အော်ဂဲနစ်သီးနှံတွေကို ၀ယ်ယူဖို့ မတတ်နိုင်ဘူးဆိုရင် ဟင်းသီးဟင်းရွက်တွေကို ဆိုဒီယမ်ကာဘွန်နိတ်ဆိုဒါနဲ့ ဆေးကြောပြီး ပိုးသတ်ဆေးပမာဏသိသိသာသာ လျှော့ချနိုင်ပါတယ်။
စိုက်ပျိုးမွေးမြူရေးနှင့် ဓာတုပညာဂျာနယ်မှ လေ့လာတွေ့ရှိချက်အရ သီးနှံထွက်ကုန်တွေကို စားဆိုဒါ ၃၀ ဂရမ်နဲ့ ရေ ၃ လီတာဖျော်ထားတဲ့ ဖျော်ရည်မှာ ၁၂-၁၅ မိနစ်ကြာစိမ်ထားခြင်းက အော်ဂဲနစ်မဟုတ်တဲ့ သီးနှံတွေရဲ့ ပိုးသတ်ဆေးပမာဏပါ၀င်မှုကို ထိရောက်စွာ လျှော့ချပေးနိုင်ပါတယ်။ ဆားနဲ့ ဗီနီဂါအချဥ်ရည် ကိုလည်းအသုံးပြုနိုင်ပေမဲ့ ဗီနီဂါက သင့်ရဲ့ သီးနှံအရသာကို ပြောင်းလဲစေနိုင်ပါတယ်။
အလုပ်ရှုပ်တဲ့ မိခင်တစ်ယောက်ရဲ့ နေ့စဥ်ဘ၀မှာ ဟင်းသီးဟင်းရွက်တွေကို ၁၅ မိနစ်ကြာဆေးကြောရတယ်ဆိုတာ မလွယ်ကူပါဘူး။ ဒါကြောင့် လွယ်ကူပြီးမြန်ဆန်တဲ့ နည်းလမ်းတစ်ချို့ကို အောက်မှာ ဖော်ပြပေးထားပါတယ်။
အစိမ်းရောင်ရှိတဲ့ ဟင်းသီးဟင်းရွက်များ
- ဟင်းသီးဟင်းရွက်တွေကို အိုးတစ်လုံးမှာ ရေအပြည့်ဖြည့်ပြီး စိမ်ထားပါ
- စားဆိုဒါ လက်ဖက်ရည်တစ်ဇွန်းထည့်ပြီး သမအောက်မွေပါ
- ဟင်းသီးဟင်းရွက်တွေကို တစ်မိနှစ်ခန့်စိမ်ထားပြီး၊ ထုတ်ယူပြီး ခြောက်အောင်စက္ကူ (သို့) အမွေးအမျှင်မရှိတဲ့ ပ၀ါတစ်ခုနဲ့ထားပါ
- လေလုံတဲ့အကန့်(သို့) အလုံပိတ်ဇစ်ပါတဲ့အိတ်နဲ့ ရေခဲသေတ္တာ ထဲမှာထားသိုတာက လတ်ဆတ်မှုကို ထိန်းသိမ်းထားဖို့ အကောင်းဆုံးနည်းလမ်းဖြစ်ပါတယ်.
မှိုများ
- ပျော့ပျောင်းတဲ့ သွားပွတ်တံနဲ့ မှိုတွေကို ဖြည်းညင်းစွာ ပွတ်တိုက်ပေးပါ
- ဘုံဘိုင်ရေအောက်မှာ ခပ်မြန်မြန်လေး ဆေးကြောပါ
- မီးဖိုချောင်သုံးပ၀ါ/ စက္ကူပ၀ါနဲ့ မှိုတွေကို ခြောက်သွေ့အောင် ဖွဖွလေးသုတ်ပေးပါ
အခွံပျော့တဲ့ သစ်သီးများနဲ့ အခြားဟင်းသီးဟင်းရွက်များ
- အိုးခပ်ကြီးကြီးတစ်ခုယူပြီး ရေအပြည့်ဖြည့်ပါ
- စားဆိုဒါ တစ်ဇွန်းထည့်ပါ
- ဟင်းသီးဟင်းရွက်တွေကို ၁-၂ ခန့်စိမ်ထားပါ
- ဘရပ်ရှက် နဲ့ ပွတ်တိုက်ပါ။ (သွားပွတ်တံအသစ် / သန့်ရှင်းရေးသုံးဘရပ်ရှက်အသေးတစ်မျိုးမျိုးကိုလဲ သုံးလို့ရပါတယ်)
- ပြီးလျှင် ရေသန့်နှင့်ဆေးပါ
ဘယ်ရီအသီးများ
- ချက်ချင်းစားမယ်လို့ရည်ရွယ်ခါမှ ဆေးကြောပါ
- ဆေးပြီး သိမ်းထားတာက ပဋိဇီ၀ပိုးများ ပေါက်ဖွားဖို့အခွင့်အလမ်းပိုများစေပြီး ၀ယ်ပြီးတစ်ရက်လောက်ခန့်အကြာမှာ မှိုတက်သွားတာနဲ့ ကြုံရနိုင်ပါတယ်။
ကိုးကားချက်များ
- Yang, T., et al., Effectiveness of Commercial and Homemade Washing Agents in Removing Pesticide Residues on and in Apples. Journal of Agricultural and Food Chemistry, 2017. 65(44): p. 9744-9752.
